د امريکا ولسمشر جوبايډن د يو فرمان په ترڅ کې د افغانستان اووه ميليارده ډالر کنګل شوې شتمني په دې ډول آزاده کړه، چې له دې جملې به ۳.۵ ميليارد ډالر د سپټمبر د يوولسمې بريدونو د قربانيانو کورنيو ته د غرامت په توګه ورکول کېږي او پاتې ۳.۵ ميليارد ډالر به د افغانستان له خلکو سره د بشري مرستو لپاره ځانګړي کېږي.
 د بايډن دغه تصميم يو وار بيا ثابته کړه چې امريکا او غرب د نړۍ او افغانستان د مسلمانانو مبدئي (ايډيولوژيک) دښمنان دي او په دې فرمان سره يې د خپلې دښمنۍ، ظلم او چور چپاول بل مخ راڅرګند کړ. په واقعيت کې امريکا په افغانستان کې له نظامي ماتې او ذليلانه تېښتې وروسته له افغانانو څخه د غچ اخيستلو او پر افغانستان د بياځلې نفوذ او استعمار د لارو چارو په لټه کې ده.

﴿وَلَا يَزَالُونَ يُقَاتِلُونَكُمْ حَتَّىٰ يَرُدُّوكُمْ عَن دِينِكُمْ إِنِ اسْتَطَاعُوا﴾ [البقرة:۲۱۷]
دوی (کافران) به تل له تاسو سره جګړه کوي، تر څو که وتوانېږي تاسو له خپل دين څخه واړوي

امريکا دغې موخې ته د رسېدو لپاره لومړی ګام دا پورته کړ چې د يو ډېر فقير هېواد د پيسو ملاتړې زېرمه يې کنګل کړه او اوس په دې هڅه کې ده چې د بندېزونو، فشارونو، چور او مالي او عايداتي سرچينو د وچولو له لارې د افغانستان اوسنی حکومت کمزوری او د خپلو ارزښتي، سياسي او استخباراتي غوښتنو منلو ته يې اړ کړي. د امريکا فشارونه يو اساسي دليل لري او هغه دا چې د افغانستان په خاوره کې يو اسلامي ځواک او د اسلام پر بنسټ دولت رامنځته نه شي، څو دغه ځواک د کفري هېوادونو لپاره د ناهيلۍ او د اسلامي خارو لپاره د هيلو او الهام سرچينه نه شي.
 امريکا د سپټمبر يوولسمې د مرموزو بريدونو په بهانه د اسلام او مسلمانانو پر وړاندې جګړه پيل کړه، د خپل دغه سياست په پيل کې يې افغانستان اشغال کړ، له دې خاورې يې د خپلو سپکو او درنو وسلو لابراتوار جوړ کړ او د ۸۵ زره بمونو په غورځولو سره يې زرګونه کلي ړنګ او سلګونه زره انسانان تر خاورو لاندې کړل. امريکا شل کاله د افغانانو له وينو او ارزښتونو سره له لوبو کولو وروسته، دا دی اوس د دوی شتمنۍ هم ترې لوټي. په داسې حال کې، که چېرې دې قضيې ته عادلانه وکتل شي، نو امريکا بايد له يو مېليون څخه د زياتو هغو کسانو د وژنې غرامت ورکړي چې د يولسم سپټمبر له پېښې وروسته يې «له تروريزم سره د مبارزې» تر نامه لاندې په افغانستان، پاکستان، عراق، سوريه، ليبيا او نورو اسلامي خاورو کې ووژل.

پولي استعمار د امريکايي استعمار يوه بله څېره ده. امريکا د خپل ځواک د پايښت، دوام او رشد لپاره ټوله نړۍ له ډالر سره تړلې ده چې افغانستان يې هم له پولي پلوه په دې استعمار کې راښکېل کړی دی. په داسې حال کې چې اسلام موږ ته د اشغال پر وړاندې او دغه راز د کفارو د نظم، نظام او قوانينو پر وړاندې د درېدو امر کړی، دا لارښوونې بايد په ټولو ډګرونو کې ترسره شي، تر څو مسلمانان په ټولو چارو کې د کفارو له تسلط څخه آزاد وي او هغوی پر مسلمانانو باندې د نفوذ هيڅ لار ونه لري. په نورو پورې پولي نه تړاو يوازې د اسلامي نظام په هر اړخيز تطبيق او په پولي نظام کې د سرو او سپينو زرو سټنډرډ حاکمولو سره شونی دی. له يوه اړخه دا د اسلام لارښوونه ده او له بله اړخه د پيسو د ملاتړي په توګه يوازې د سرو او سپينو زرو په مرسته کولی شو چې د ډالر د استعمار پر وړاندې ودرېږو.
 په واقعيت کې همدا نړيوال نظم او نړيوال قوانين دي چې سترو قدرتونو ته دا جرأت او امکانات ورکوي چې د مسلمانانو پر وړاندې له هيڅ ډول جرم، جنايت، بندېز او فشار څخه مخ وا نه ړوي. په دې توګه، په دې نظم کې وينه زبېښونکې امريکا هم شاهد دی، هم قاضي؛ هم مجرم دی او هم مظلوم.
 د افغانستان اوسني رهبران او چارواکي بايد وپوهېږي چې د خلاصون يوازېنۍ لار د راشده خلافت تاسيس، له امت سره يووالی، د اسلام هر اړخيز تطبيق او نړۍ ته يې د دعوت او جهاد له لارې لېږد دی. افغانستان په اوسنۍ جغرافيا او فعلي سرچينو سره هيڅکله نه شي کولی چې په يواځې ځان د دا ډول سياسي او اقتصادي توطئو او دسيسو پر وړاندې ودرېږي. نو پکار ده چې د واحدې رهبرۍ تر چتر لاندې د افغانستان، پاکستان او منځنۍ اسيا د يووالي لپاره هڅه وشي، تر څو د عصر هغو مستکبرانو ته غاښ ماتوونکی ځواب ورکړل شي چې غواړي په يواځې سر نړۍ رهبري کړي او د نړۍ ټولې چارې په خپل لاس کې ولري.

﴿يَا أَيُّهَا الَّذِينَ آمَنُوا إِن تُطِيعُوا الَّذِينَ كَفَرُوا يَرُدُّوكُمْ عَلَىٰ أَعْقَابِكُمْ فَتَنقَلِبُوا خَاسِرِين﴾ [آل عمران:۱۴۹]
اې هغو کسانو چې ايمان مو راوړی! که چېرې د کافرانو پيروي وکړئ، نو دوی به مو کفر ته وګرځوي، (په دې صورت کې به له دين او ايمان څخه کفر ته په اوښتو) ډېر زيانمن شئ.
د حزب‌التحریر - ولایه افغانستان مطبوعاتي دفتر