(ژباړه)

د ۱۴۴۰هـ.ق کال د جمادي اول ۱۰مه او د ۲۰۱۹ م کال د فبرورۍ ۱۵مه د حزب التحریر ـ ولایه سوډان په خرطوم ښار کې یوه ټولییزه غونډه ونیوله، کومه چې ټاکل شوې وه د ۲۰۱۹ میلادي کال د فبرورۍ پر ۱۶مه په اش ـ شاهید زوبیر کې ونیول شي. د محمدصالح نړیوال کنفرانس مرکز دغه غونډه د سیکولریزم او اسلامي شریعت تر منځ د سوډان راتلونکی ونوماوه، خو د خرطوم امنیتي چارواکو د دغه کار مخه ونیوله. دغه غونډه د یو شمېر علماوو، اسلامي چارو پوهانو او د مسجد ملا امامانو له لوري نیول شوې وه. په یاده غونډه کې لاندې کسانو ګډون کړی وو:

• د سپڅلي قران پوهنتون څېړونکي او پروفیسور ډاکتر محمد موسی البر.
• د بیاکتنې غونډې رییس او د بدلون لپاره د وړاندوینې ادارې غړي ډاکتر حسان اسسماني ابودجانه.
• د اجرایه قوې ادارې غړي او په کتاب او سنتو باندې په ال ایتیسمان جما کې د دعوت برخې مشر شیخ اتاج عبدالمطلیب.
• د اسلامي ورورولۍ کتنې عمومي استازي ښاغلي حسان عبدالحمید.
• د شیخ ابراهیم له لوري د سوفيه طریقې له مشرانو څخه ډاکتر محمد یوسف ال اراکي.
• د محکمې رییس ډاکتر عبدالعزیز نایم.
• په الکالکا منورا کې د حزب التحریر غړي او د رحمان مسجد ملا امام ډاکتر عبدالرحمان.
• د حزب التحریر غړي انجینیر اکرام سعد.
• د سوډان د لیکوالو او څېړونکو د ټولنې غړي او څېړونکي ډاکتر عبدالله ابو امام.
• د حزب التحریر ـ ولایه سوډان د شورا غړي ښاغلي عبدالله ابو الرحمان.

د یادې غونډې ویاندویانو پر دې هوکړه وکړه چې اسلامي قانون د اسلامي خلافت تر چتر لاندې بشپړ پلی کېږي. د حزب التحریر ـ ولایه سوډان رسمي ویاند د غونډې پرانیستنه وکړه او ټینګار یې وکړ چې امت کمزوری شوی نه دی او یوازې له دې امله سپک شوی نه دی چې د الله سبحانه وتعالی کتاب او د رسول لله صلی الله علیه وسلم سنت یې پریښې دي، بلکې دا د سیکولر سیسټم د پلي کولو او د ظلم پایله ده. د حزب التحریر ـ ولایه سوډان ویاند څرګنده کړه چې څرنګه اسلام یوازنی نظام دی چې ښایسته ژوند پرې تر لاسه کېږي او درناوی، پانګه او وینه مو خوندي کوي. د خبرو په وروستیو کې نوموړي پر پوهانو، مشرانو او د مسجد پر ملا امامانو غږ وکړ چې نور د تم پاتې کېدو لپاره وخت نشته، یو د بل تر څنګ ودرېږئ او د نبوت پر تګلاره د راشده خلافت راتګ لپاره داسې کار وکړئ چې په درجه کې لومړیتوب تر لاسه کړئ او د رسولله صلی الله علیه وسلم بیرغ پورته کړئ. غونډې ته ټولو راغلو کسانو د تکبیر په ویلو سره د نبوت پر تګلاره د اسلام تر چتر لاندې د راشده خلافت بیا راتګ غوښتنه وکړه.

ابراهیم عثمان ابو خلیل

د حزب التحریر ـ ولایه سوډان رسمي ویاند