(ژباړه)

د ۲۰۱۹م د اپرېل په ۱۹مه د جمعې په ورځ د حزب التحریر-ولایه سوډان یوه پلاوي په ګاداریف ښار(القادریف) کې د ګاداریف ولایت له والي، ستر جنرال محي الدین احمد الهادي سره د نوموړي په دفتر کې وکتل. د دغه پلاوي مشري بشیر احمد البشیر کوله او ملګري یې دغه وروڼه وو: عواد مهاجر، منتصر کارار، تاج دیرار او عبدالصمد الطیب.

دغه پلاوي د سیاست په ډګر کې د روان وضعیت د واقعیت په اړه دحزب التحریر لید او نظر وړاندې کړ او له والي نه یې وغوښتل چې د نصرت له خلکو نه د یوه کس په توګه او په دولت کې د ده منصب ته په کتو د اسلام پلوي وکړي؛ د انصارو د مشر، سعد بن معاذ د مقام یادونه یې ورته وکړه چې ‍په نصرت ورکولو یې لومړی ځل اسلامي دولت تاسیس شو.

دغه ورور وویل، چې حزب التحریر مې پېژانده، خو دومره په جزیاتو نه؛ له پلاوي سره یې د پخواني حکومت په مفسدوالي او دا چې اسلام یې نه پلی کاوه توافق وکړ؛ ټینګار یې وکړ چې له اسلام سره دی او ویې ویل چې د سوډان خلک د اسلام ځایناستی نه مني.

د ناستې په پای کې یاد پلاوي والي ته د «اساسي قانون معرفي» تر عنوان لاندې کتاب ډالۍ کړ چې حزب التحریر خپور کړی او د خلافت دولت د اساسي قانون مسوده پکې ده؛ دغه قانون باید ولوستل شي او عملي بڼه ورکړل شي.

ابراهیم عثمان(ابوخلیل)

د حزب التحریر-ولایه سوډان رسمي ویاند