(ژباړه)

د ۲۰۲۳م کال، د مې میاشتې په ۲۶مه، د پاکستان مالیې وزیر د نړیوالو مالي تعهداتو ترسره کولو لپاره د امریکا سفیر ته د پاکستان د عوایدو او لګښتونو اړوندو پلانونو په اړه معلومات ورکړل. د پاکستان چارواکي له خپل بادار څخه د تاییدۍ په ترلاسه کولو، اوس یوه بله استعماري بودیجه برابروي چې زموږ اقتصاد به نور هم کمزوری کړي. پر دې سربېره، کله چې له دغو حکامو څخه د اسلامي امت په مخ کې شته ستونزو په اړه پوښتنه کېږي؛ دوی وايي چې لومړی باید د اقتصادي ستونزو د حلولو له لارې خپل هېواد جوړ کړو. د کشمیر د نه ازادولو او د هند پر وړاندې جدي چلند نه کولو لپاره هم همدا پلمه کوي. دغه واکمنان ادعا کوي چې لومړی باید اقتصادي ثبات ته ورسېږو بیا مهم مسایل حل کړو. سره له دې چې زموږ د اقتصادي ستونزو اصلي سبب غربي استعمار دی؛ زموږ واکمنان له هغه څه پرته چې امریکا، د پيسو نړیوال صندوق او تر واشنګټن وروسته اجماع (هغه چې تر واشنګټن اجماع وروسته وشوه/ post-Washington Consensus) یې امر ورته کېږي؛ خلکو ته د وړاندې کولو لپاره هېڅ نه لري. نو د ناروغۍ له سبب څخه د درملنې غوښتنه بې عقلي نه ده؟ دغه بې عقلي هغه وخت په جنون بدلیږي چې زموږ د کړاوونو سبب هماغه زهر یو ځل بیا د درملو او «نسخو» په پوښ کې راکړي چې لومړی ځل کارول یې زموږ د اقتصادي ناورین سبب شول.

هغه کسان چې د اقتصادي ثبات په ترلاسه کولو کې مخلص دي؛ باید د پشتوانې نه لرونکې پیسې، سودي پورونه او مالي تامینات، د عامه سرچینو خصوصي کول، نړیوال بیرته راګرځیدونکي مالیات (یا قهقرايي مالیات چې ټیټ عاید لرونکې کورنۍ تر لوړ عاید لرونکو هغو ډېره مالیه ورکوي)، د خصوصي سکټور په رهبرۍ د پانګونې صنعت وده او بهرنۍ مستقیمه پانګونه روښانه کړي. دوی باید د دغو ستونزو ریښتینې حللاره هم روښانه کړي. دغه پالیسۍ نه یوازې دا چې زموږ د شتمنۍ او سرچینو د غلا کولو لپاره د استعمارګرو وسیلې دي؛ بلکې د الله سبحانه وتعالی او د هغه د وروستي پیغمبر صلی الله علیه وسلم له اوامرو ښکاره سرغړونه ده. په حقیقت کې، هغه چارواکي چې د "تر هر څه وړاندې اقتصاد" استدلال کوي، پر هغه لار نه دي روان چې د اقتصادي ثبات لامل کیږي. ځکه خو زموږ وضعیت کال په کال لا خرابېږي. څو چې دا ټولې لارې پرې نه ږدو او د الله سبحانه و تعالی له لوري ټاکل شوې مستقیمه لار باندې روان نه شو، وضعیت به همداسې د لا خرابېدو لوري ته روان وي.

د اقتصادي ثبات پر لوري لار له دې پیلېږي چې د اقتصادي چارو په ګډون، د ژوند په ټولو چارو کې اسلام پلی کړو. پیل یې له دې کېږي چې اسلامي اقتصادي پالیسۍ او سیاستونه د پانګوالو هغو ځایناستې کړو. اسلام دا الزامي کوي چې د کرنسۍ سټنډرډ سره او سپین زر وي؛ پر عایداتو مالیه، پر پلور مالیه او عمومي مالیه نه وي؛ په مالي تامین کې سود نه وي؛ عامه ملکیتونه لکه نفت او ګاز عامه پاتې شي؛ د پانګونې صنعت وده د دولت په رهبرۍ وشي او له مستقیمې بهرنۍ پانګونې خپلواکي ترلاسه کړو. یوازې اسلام کولی شي چې موږ د ډالرو له شر او زموږ پر اقتصاد د استعمار له واکمنۍ خلاص کړي؛ د دې تر څنګ اسلام له بېوزلو سره لویه مرسته کوي او کرنیز او صنعتي تولیدات پیاوړي کوي.

هغوی چې د اقتصادي خپلواکۍ په غوښتلو کې مخلص دي؛ باید پوه شي چې په دنیا او آخرت زموږ د بدبختیو د ختمولو یوازینۍ لار د خلافت له لارې د اسلام پلي کول دي. په حقیقت کې، له اسلام پرته راحت نشته؛ یوازې ستونزې او سخت ژوند دی. الله سبحانه وتعالی فرمايي:

[وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى]

ژباړه: «او څوک چې زما له ذکر (د نصیحت له درس) څخه مخ واړوي، د هغه لپاره به په دنیا کې تنګ ژوند وي او د قیامت په ورځ به موږ هغه ړوند راپاڅوو.» [طه: ۱۲۴]

نو اې مسلمانانو! د نبوت پر منهج خلافت بیا تاسیس کولو لپاره له حزب التحریر سره ګډ کار وکړئ.

د حزب التحریرـ ولایه پاکستان مطبوعاتي دفتر

ژباړه: فریدون محتاط