بسم اللہ الرحمن الرحیم 

نریندر مودی،گجرات کا قسائی، کا دورہ پاکستان

کیا افواج پاکستان میں کوئی ایسا نہیں جو راحیل اور نواز کو کشمیر اور خطے کے مسلمانوں سے غداری کرنے سے روک سکے؟

بروز جمعہ، 25 دسمبر 2015 کو گجرات کے قسائی، بھارتی وزیر اعظم نریندر مودی نے پاکستان کا دورہ کیا اور راحیل-نواز حکومت نے اس کا ریڈ کارپٹ استقبال کیا۔ ملاقات کے دوران نواز شریف مودی کو اپنے ذاتی گھر، جاتی امرا، رائے ونڈ، لاہور لے گئے اور اپنی آل اولاد سے اس کی ایسے ملاقات کرائی جیسے کہ بچپن کا پچھڑا چچا اچانک گھر آجائے اور پورا گھر خوشی سے پاگل ہو جائے۔

کیا کوئی غیرت مند ایسے شخص کا استقبال کر سکتا ہے جو اس کی ملت، مسلمانوں کا دشمن ہو؟ کیا کوئی غیرت مند ایسے شخص کا استقبال کر سکتا ہے جس کا بال بال اسلام اور مسلم دشمنی میں ڈوبا ہو؟ کیا کوئی غیرت مند ایسے شخص کا استقبال کر سکتا ہے جس نے گجرات میں مسلمانوں کے قتل عام پر یہ کہا ہو کہ کتا بھی مرے تو افسوس ہوتا ہے؟ کیا کوئی غیرت مند ایسے شخص کا استقبال کر سکتا ہے جس نے پاکستان کو دو ٹکڑے کرنے میں براہ راست مدد فراہم کرنے کاا قرار کیا ہو؟ کیا کوئی غیرت مند ایسے شخص کا استقبال کر سکتا ہے جو پاکستان میں سرجیکل سڑرائیک کرنے کی دہمکیاں دیتا رہا ہو؟ کیا کوئی غیرت مند ایسے شخص کا استقبال کر سکتا ہے جو بھارت میں پاکستان کے نوے ہزار جنگی قیدیوں کے حوالے سے کہتا ہو کہ “اگر ہمارا ذہن شیطانی ہوتا تو نا جانے ہم ان کے متعلق کیا فیصلہ کرتے”؟ کیا کوئی غیرت مند اس دشمن کا استقبال کر سکتا ہے جو آج بھی کشمیر اور پورے ہندوستان میں مسلمانوں کو قتل اور ہماری پاک دامن ماوں بہنوں کی عفت و عصمتوں کو تار تار کرتا ہے؟

راحیل-نوا ز حکومت نے اسلام اور مسلمانوں کے دشمن نریندر مودی کا استقبال کر کے ثابت کیا ہے کہ وہ عزت، وقار اور غیرت نام کی کسی شے سے واقف ہی نہیں ہیں اور امریکی حکم پر پاکستان کے ازلی دشمن بھارت کے سامنے جھکنے اور ہزاروں کشمیری مسلم شہداء کے خون کا سودا کرنے سے بالکل بھی نہیں ہچکچائیں گے۔ نریندر مودی ریڈ کارپٹ پر چل کر پاکستان کی سرزمین پر نہیں آیا بلکہ ہزاروں کشمیری مسلمانوں کے خون پر چل کر آیا ہے اور ایسا کرنے کی اجازت صرف وہی حکمران دے سکتے ہیں جو اپنی قوم کے غدار ہوتے ہیں۔

کیا افواج پاکستان میں آج کوئی خالد بن ولید، محمد بن قاسم، کیپٹن سرور شہید، میجر طفیل شہید، میجر عزیز بھٹی شہید، میجر شبیر شریف شہید اور کیپٹن کرنل شیر خان شہید نہیں ہے جو کشمیر کے مسلمان بہن بھائیوں کی چیخ و پکار کو سنے اور اس پر لبیک کہتے ہوئے پاکستان کی سیاسی و فوجی قیادت میں موجود غداروں کی گرفت کرے اور کشمیر کے مسلمانوں کو ہندو بنیے کے ظلم و ستم سے نجات دلائے؟ کیا افواج پاکستان میں موجود مخلص افسران ٹکٹکی باندھے ایک کے بعد ایک غداری کے سلسلے کو دیکھتے رہیں گے؟ کیا مخلص افسران اس وقت حرکت میں آئیں گے جب پانی سر سے گزر چکا ہوگا؟ یہی وقت ہے کہ مخلص افسران سیاسی و فوجی قیادت میں موجود غداروں سے اس قوم کی جان چھڑائیں اور خلافت کے قیام کے لئے حزب التحریر کو نصرۃ فراہم کریں۔ پھر خلیفہ خطے کے مسلمانوں کے درمیان قائم استعماری سرحدوں کو مسمار کرتے ہوئے ان کی افرادی و مادی قوت کو یکجا کرے گا۔ ان لوگوں کو آپ قیادت دیں جو صرف کامیابی یا شہادت کی آرزو کریں گے اور اس خطے کے مسلمانوں اور غیر مسلموں کو ہندو بنیے کے ظلم و ستم سے نجات دلائیں گے۔

فَإِن قَاتَلُوكُمْ فَٱقْتُلُوهُمْ كَذٰلِكَ جَزَآءُ ٱلْكَافِرِينَ

(اگر یہ تم سے لڑیں تو تم بھی انہیں مارو۔ کافروں کا یہی بدلہ ہے” (البقرۃ:191″

ولایہ پاکستان میں حزب التحریر کا میڈیا آفس