رسول اللہ ﷺ نے ارشاد فرمایا:
((لا یلبث الجور بعدی الا قلیلا حتی یطلع فکلما طلع من الجور شیءذھب من العدل مثلہ حتی یولد فی الجور من لا یعرف غیرہ ثم یاتی اللّٰہ تبارک و تعالی بالعدل فکلما جائ من العدل شیءذھب من الجور مثلہ حتی یولد فی العدل من لا یعرف غیرہ))

"ظلم میرے بعد زیادہ دیر رُکا نہیں رہے گا اور وہ سر اٹھائے گا ،پس جتنا ظلم آتا جائے گا اتنا ہی عدل ختم ہوتا جائے گا ،یہاں تک کہ ایک شخص ظلم میں پیدا ہو گا اور اسے ظلم کے سوا کسی چیز سے آگاہی نہ ہو گی ۔ پھر اللہ تبارک و تعالیٰ عدل کو لائے گا پس جتنا عدل آتا جائے گا اسی قدر ظلم ختم ہو تا جائے گا یہاں تک کہ ایک شخص عدل میں آنکھ کھولے گا اور اسے عدل کے سوا کسی چیز سے آگاہی نہ ہو گی "(رواہ احمد)

اے مسلمانانِ پاکستان!

الحمد للہ ہم ایک مرتبہ پھر ماہِ رمضان کی رحمتوں اور برکتوں کا مشاہدہ کر رہے ہیں۔ اس ماہ ِ مبارک میں جہاں ہم اس کوشش میں ہیں کہ ہمیں اللہ تعالیٰ کا قرب حاصل ہو، وہاں ہمیں اس بات کو بھی یاد کرنا چاہئے کہ ہمارے اسلاف نے اسلام کے دشمنوں پر فتح حاصل کرنے کے لیے اسی بابرکت ترین مہینے کا انتخاب کیا تھا۔ پس ماہِ رمضان میں اسلامی ریاست کے سائے تلے مسلم افواج کے ذریعے، بہادر مسلمان، دشمن کے خلاف اس وقت بھی فتح یاب ہوئے، جب دشمن مادی طاقت اور تعداد میں مسلمانوں سے بھاری تھے۔ پس یہ رمضان ہی کا مہینہ تھا کہ جس میں مسلمانوں نے غزوہ بدر میں مشرکینِ مکہ کو شکستِ فاش دی، مکہ کو فتح کیا، سفاک تاتاریوں کو فیصلہ کن شکست دی اور مسجدِ الاقصیٰ کوعیسائی صلیبیوں کے تسلط سے آزاد کرایا۔ ان افواج کے سپہ سالار اور وہ حکمران اس لیے کفار کے خلاف کامیاب ہوئے کیونکہ وہ دینِ حق پر مضبوطی سے کاربند تھے اور اللہ کے سوا کسی اور سے نہیں ڈرتے تھے۔ رسول اللہ ﷺ نے ارشاد فرمایا: