Hizb ut Tahrir / Indonesia: Hizb ut Tahrir Yasisitiza Ufaradhi wa Khilafah katika Mwezi wa Rajab

10 Rajab 1440 | Jumapili, 17 Machi 2019م
Kuwa wa kwanza kutoa maoni!
ukubwa wa font punguza ukubwa wa font zidisha ukubwa wa font

بسم الله الرحمن الرحيم

Hizb ut Tahrir / Indonesia:

Hizb ut Tahrir Yasisitiza Ufaradhi wa Khilafah katika Mwezi wa Rajab

Rajab ni mwezi mtukufu. Ni katika mwezi huu ambapo kuna matukio makubwa kwa Waislamu. Tukio la Isra na Mi’raj la Mtume (saw), kufunguliwa kwa Baitul Maqdis Palestina na Salahuddin al-Ayyubi nako kulitokea katika mwezi huu wa Rajab. Pia katika mwezi huu, hususan tarehe 28 Rajab, 1342 H, kulitokea tukio kubwa la kuvunja moyo: Kukomeshwa kwa Nidhamu ya Khilafah kulikofanywa na Mustafa Kemal, wakala wa Uingereza, aliye laaniwa na Mwenyezi Mungu (swt). Tangu wakati huo, Ummah wa Kiislamu umepoteza taasisi muhimu ya kisiasa ya kutekeleza sharia za Kiislamu kwa ukamilifu ambayo huunganisha Ummah na huwalinda wenyewe na dini ya Kiislamu.

Kwa sababu hii, Hib ut Tahrir / Indonesia, imebeba ajenda katika mwezi wa Rajab kukumbuka Isra na Mi’raj ya Mtume Muhammad (saw), na wakati huo huo kuukumbusha Ummah wa Kiislamu juu ya ufaradhi na mahitaji ya Waislamu katika kusimamisha Khilafah.

Amali hii lilifanyika kwa wakati mmoja katika miji mbalimbali nchini Indonesia mnamo siku ya Jumapili (Machi 17, 2019), kwenye mikoa 34, kutoka Banda Aceh hadi Papua. Amali hii ilihudhuriwa na viongozi na wanazuoni ambao hupambana pamoja na Hizb ut Tahrir.

Katika amali hii, wazungumzaji walikumbushia zaidi matatizo mbalimbali ya Ummah yanayo tokana na kukosekana kwa Khilafah, wajibu wa kuiregesha tena, na hatua za kufuata katika kuipigania. Washiriki pia waliombwa kuwaombea dua Waislamu wengi waliokufa nchini New Zealand kutokana na vitendo vya kinyama vya magaidi waliowaua Waislamu ndani ya Misikiti katika siku tukufu ya Ijumaa. Ilielezwa na wazungumzaji kwamba mauwaji haya si kwamba yanatokea New Zealand pekee bali kila sehemu, kutokana na kukosekana kwa taasisi ya Khilafah inayowalinda Waislamu.

Afisi ya Habari Hizb ut Tahrir / Indonesia